Saray Salmo 65:11 - Maung A Balita Biblia

¹¹ Agaylay karakel na ani, lapud kinamaung mo! Daakan, anggan iner so laen mo.

Maung a Balita Biblia

¹¹ Agaylay karakel na ani, lapud kinamaung mo! Daakan, anggan iner so laen mo.

Saray Salmo 65:11 Referans Kwoze

Saray Salmo 103:4

Iyaagel to ak ed lobuk, tan ibibindision tod siak so panangaro tan panangasi.

Saray Salmo 5:12

Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Probirbio 14:18

Saray totoon anggapoy amta nagagamuran day kanepegay inkakulang-kulang da, balet say pakaamta so tumang da ray masilib.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Saray Salmo 25:10

Katekep na aro tan katooran so pangiwawanwan tod saray manusumpal na impisipanan to tan saray ganggan to.

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Saray Taga Roma 11:17

Saray pigaran sangay oliban intanem so apoter, tan sinoldungan na sangay oliban balang. Sikan Hintil, aliling moy oliban balang, tan natan minanabang kad biskeg tan maung a bilay da ray Judio.

Say Libro nen Job 36:28

Papepelagen toy lorem pian onoran et naterteran iray amin a katoowan.

Deuteronomio 11:12

Say Katawan a Dios yo et aasikasoen to yan dalin tan babantayan to lawas.

Say Libro nen Job 5:10

Ipepelag tod dalin so oran a manalog ed kaalogan.

Saray Salmo 68:10

nanayam irad may katoowan mo; lapud kaabigan mo, initdan mo ray mairap-bilay na nakaukolan da.

Saray Salmo 104:13

Manlapud tawen, ipepelag moy oran ed saray kapokdulan, et napapano na bindision mo so dalin.