Saray Salmo 64:5 - Maung A Balita Biblia

⁵ Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. “Anggapoy makanengneng ed saraya,” kuanda.

Maung a Balita Biblia

⁵ Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. Anggapoy makanengneng ed saraya, kuanda.

Saray Salmo 64:5 Referans Kwoze

Saray Salmo 140:5

Pinatitan ak na saray mapaatagey a totoo; inlira da ray patit da, tan angyan ira na saray kalut ed dalan ta erelen da ak.

Saray Salmo 10:11

Say toon maoges kuantod sikaton dili, “Anggapoy pibabali na Dios! Inlikdem to ray mata to, kanyan ag to ak balut nanengneng!”

Ezekiel 8:12

Tinepet na Dios ed siak, “Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: ‘Ag itayo nanenengneng na Katawan! Inkaindan to so bansa.’”

Saray Salmo 94:7

Kuanda, “Ag itayo nanenengneng na Katawan; ag itayo nanaimano na Dios na Israel.”

Saray Salmo 59:7

Dengel mo pay panagleglemew tan pangtaktakot da. Saray dila ra et singa ra ispada ed saray sangi ra, balet abaloan dan anggapoy makakadngel ed sikara.

Say Libro nen Job 22:13

Balet tetepeten mo, ‘Antoy amta na Dios? Asaniban na lorem—panoy pakapansintinsia tod sikatayo?’

Isaias 41:6

Saray marunong a kumikimey tan platiro et mantutulongan tan mampapabiskegan iray linawa.

Saray Salmo 124:7

Akabatik itayon singa manok a nablus ed patit; apultot so patit, tan nablus itayo!

Saray Bilang 22:6

Dakel ira nen say sikami kanyan ipangasim pan isamban ira para siak. Diad ontan natalo mi ra angangko tan napataynan mi ra ed paway na dalin. Amtak a no mamindision kay too, nabindisionan a tua, tan no mangisamba kay too, nisamban tua.”

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Mateo 23:15

“Pakaskasi ki la, sikayon iskriba tan sikayon Pariseo! Mansimpisimpitan a totoo! Babaliwen yo ray dayat tan bebeltangen yo ray bansa pian naayat yo labat so sakey a Hintil ed pananisia yon Judio. Balet no naayat yo la, doblien yoy kanepegan ton onlad impirno, a singa sikayo met!

Genesis 20:13

Kanyan nen say Dios et pinataynan to ak ed abung di amak tan pinaonla to ak ed sananey iran dalin, inkuankod kinen Sara, ‘Nipanengneng moy katooran mod siak diad pangibagam ed siopaman ya agi mo ak.’”

Saray Huis 20:22

Insan linmad pasen a panangigalangan iray Israelita tan nanermen irad arap na Katawan ya anggad labi. Tinepet dad sikato, “Onla kami lamet a mibakal ed saray agagi min Benjaminita?” Inmebat so Katawan, “On.” Lapud sayan ebat binmiskeg so linawa da ra may Israelita, kanyan inlira ra lamet ed pasen ya angiliraan day sikaran dili nen imbeneg ya agew.