Saray Salmo 63:7 - Maung A Balita Biblia

⁷ ta sika lawas so ontutulong ed siak. Diad silong na saray payak mo mankanta ak lapud liket ko.

Maung a Balita Biblia

⁷ ta sika lawas so ontutulong ed siak. Diad silong na saray payak mo mankanta ak lapud liket ko.

Saray Salmo 63:7 Referans Kwoze

2 CORINTO 1:10

Inlaban to kamid saman a makapasinagem a kaatapay patey, tan ituloy toy pangilaban tod sikami. Balbaleg so ilalo min ilaban to kami lamet,

Saray Salmo 61:4

Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 5:11

Balet manliket ya amin iray sinmalimbeng ed sika; lapud liket da makapankanta ra lawas. Iyagel mo pa ray mangaarod sika; lapud sika tuan maliket ira.

1 Samuel 17:37

Say Katawan inyagel to ak ed saray lion tan saray uso; iyagel to ak met ed saman a Filisteo.” Inmebat si Saul, “Sigi, laka, tan say Katawan wala komud sika.”

Saray Salmo 21:1

Katawan, maliket so ari lapud pinabiskeg mo; magayaga lapud impanalom.