Saray Salmo 63:1 - Maung A Balita Biblia

¹ O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Maung a Balita Biblia

¹ O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Saray Salmo 63:1 Referans Kwoze

Saray Salmo 143:6

Itatagey ko ray limak a mampikasid sika; singa amagan dalin a napgaan ed sika so kamarerwak.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Isaias 41:18

Saray ilog paagosen kod saray kapokdulan ya anggapoy tanaman tan paagosen kod saray patar iray sobul. Pagmaliwen kon dipositoy danum so kalawakan; pagmaliwen kon managagos a danum so amagan dalin.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Saray Salmo 118:28

Sikay Dios ko, et misalamat ak ed sika; ibawag koy inkatalonggaring mo.

Probirbio 8:17

Inarok iray mangaarod siak; narumog ak na saray maseet a manaanap ed siak.

Saray Salmo 143:10

Sikay Dios ko; ibangat mo ak pan mangonur na linawam. Ipanengneng mo pad siak so kamaungan mo tan iwanwan mo ak pad dalan ya anggapoy kaatapan.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Saray Salmo 78:34

Balet kapag wala ray pateyen tod sikara, saray nakdaan onsingger irad Dios; mampatauli ra tan masimoon iran mampikasid sikato.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Saray Salmo 31:14

Balet, manmamatalek ak ed sika, Katawan; sikay Dios ko.

Say Libro nen Job 8:5

Balet pawil ka la natan ed Makapanyarin-amin a Dios tan mikasi kad sikato;

1 Samuel 22:5

Insan linmay propita Gad ed kinen David tan kuanto, “Ag ka dia manaayam; lakan tampol ed dalin na Juda.” Kanyan pinmikal si David tan linmad takel na Heret.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Saray Salmo 119:81

Katawan, nalmay ak lad panaalagar koy pangilaban mod siak; maniilalo ak ed salitam.

Mateo 12:43

“No ompaway ed sakey a too so maoges ya ispiritu, mananap na amagan pasen a pampainawaan to. No anggapoy naalmo to,

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Kanta nen Solomon 5:8

Isipan yod siak, O bibiid Jerusalem, no narumog yo may inarok, ibaga yod sikato a makapoy ak lapud panangaro.

2 Samuel 15:28

Manalagar ak ed saray babaliwan ed ilog diad kalawakan, anggad pakapasabik na balitan manlapud sika.”

1 Saray Awaran 16:14

Say Katawan so Dios tayo, para amin a katoowan iray ganggan to.