Saray Salmo 62:10 - Maung A Balita Biblia

¹⁰ Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Maung a Balita Biblia

¹⁰ Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Saray Salmo 62:10 Referans Kwoze

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Marcos 10:23

Ninengneng nen Jesus iray walad kaliber-liber to tan kuantod saray disipulo to, “Mairap a tuloy ya onloob ed Panariay Dios iray mamayaman!”

Isaias 30:12

Balet say masanton Dios na Israel kuanto: “Ag yo labay a dengelen iray ibabagak, no ag ingen manmamatalek kayod panagduksa tan panagpalikdo.

Saray Salmo 49:6

saray totoon manmamatalek ed kayaryan da, tan ilalastug day dakel a kayamanan da.

Say Libro nen Job 20:29

Sikato yay pansumpalan na saray totoon maoges, say pansumpalan ya ipabetang na Dios ed sikara.”

Say Libro nen Job 20:19

lapud pinapairap tan inkakaindan to ray mairap-bilay, tan sinasamsam to ray abung ya impapaalagey na saray arum a totoo.

Isaias 59:4

Mangisesegep kayoy kaso ed korti, balet andi kayo ed katonungan. Saray tila so panmamatalkan yod panalo yo. Papasakitan yo ray arum a totoo diad panggagawa yod saray maoges a plano yo.

Isaias 47:10

“Anggapoy kapagaan mo ed panggagawam na kaogsan; abaloan mon anggapoy makanenengneng ed sika. Pinalikdo ka na kakabatan tan pakatalus mo, tan inkuanmod sikan dili, ‘Siak so Dios— anggapo lay arum a singa siak.’

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Jeremias 13:25

Inkuan na Katawan a sikato yay magmaliw a kapalaran yo; sikato yay ginetma ton gawaen ed sikayo, lapud nilingwanan yo tan nanmatalek kayod saray tila-tilan diriyos.

Saray Salmo 4:3

Tandaan yo a say Katawan pinili ton kayaryan to so toon matonung, tan dedengelen to ak no ontatawag ak ed sikato.

Isaias 40:15

Anggapoy wala ed Katawan iray bansa, singa ra labat sankaterter a danum; singa labat kalemew na dabuk iray ararawin isla.

Isaias 40:17

Diad sikato tuan anggapoy kakanaan da ray bansa.