Saray Salmo 60:7 - Maung A Balita Biblia

⁷ Kien koy Galaad tan Manases; say Efraim so hilmit ko tan say Juda so sitrok.

Maung a Balita Biblia

⁷ Kien koy Galaad tan Manases; say Efraim so hilmit ko tan say Juda so sitrok.

Saray Salmo 60:7 Referans Kwoze

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”

Josue 13:31

Sakop met na dalin da so kapalduay Galaad, pati say Astarot tan Edrei, saray manonan siudad na nanarian nen Og diad Basan. Sikara ya so niiter ed kapaldua na saray pamilya a say sengeg da et si Makir a lakin anak nen Manases.

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.

Josue 17:1

Say sakey a parti na dalin ed sagur na Jordan et nipabetang ed saray pigaran pamilyan say sengeg da et si Manases a pangulowan a lakin anak nen Jose. Si Makir ya ama nen Galaad et sankapangulowanan a lakin anak nen Manases tan sakey a sondalo, kanyan nipabetang ed sikato so Galaad tan Basan a walad bokig na Jordan.

1 Samuel 28:2

“Talaga,” ebat nen David, “Aripen mo ak, tan sikan dili so makanengneng no antoy nagawaan ko.” Inkuanen Akis, “Maung! Gawaen ta kan managbantay ed siak legan kon mambilay.”

Saray Salmo 108:7

Manlapud santuario to, inkuay Dios, “Kasumpal na panalok apag-apagen koy Sikem, tan ibunog kod saray totook so Patar na Sukot.