Saray Salmo 58:9 - Maung A Balita Biblia

⁹ Ag da naamamtaan so kabagut da a singa dika; diad mapalalon pasnuk na Dios isiplug to ra ed arawi legan a mabilay ni ra.

Maung a Balita Biblia

⁹ Ag da naamamtaan so kabagut da a singa dika; diad mapalalon pasnuk na Dios isiplug to ra ed arawi legan a mabilay ni ra.

Saray Salmo 58:9 Referans Kwoze

Probirbio 10:25

Naandipat iray totoon maoges no ondalan so bagyo, balet lawas arawid kaatapan iray totoon matonung.

Saray Salmo 118:12

Singa ra bayaung ya angambungal ed siak, balet naoput iran tampol a singa pinoolan a sinigit; pinapatey ko ra diad panamegley na pakayariy Katawan.

Ecclesiastes 7:6

Say elek na toon makulang-kulang et singa masalanisit a kasabitan a napopoolan. Anggapoy kabaliksan to.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 40:24

Singa ra malangwer a tanaman; katubo-tubo ra tan kakkapanlamut da. No say Katawan et paragemen to, namagaan ira tan nitikyab iran singa dayami.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 1:27

singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Saray Salmo 10:5

Maaligwas so pansusumpalay amin a gagawaen na toon maoges. Ag to natatalusan iray sintinsiay Dios; eelek-elekan to ray kalaban to.

Saray Salmo 10:2

Mapaatagey iray totoon maoges tan papairapen da ray mairap-bilay; erel mo pa rad saray patit ya imparaan da.

Say Libro nen Job 27:21

say dagem a manlapud bokig so mangyarawid sikatod abung to;

Say Libro nen Job 18:18

Taynan to lay liwawa ya onarap ed kabilongetan; taynan to lay tapew na dalin.

Saray Bilang 16:30

Balet no say Katawan et manggawa na bengatlan ag nin balut nadngelan, ta onsangi so dalin tan akmunen to ran amin a pati saray kayaryan da, et onla ran mabilay ed pasen a panaayaman da ray inaatey, naamtaan yo a sarayan totoo et impolisay day Katawan.”

Say Libro nen Job 3:16

odino singa ogaw ya inatey lan nianak.