Saray Salmo 58:2 - Maung A Balita Biblia

² Andi! Nununoten yo labat so maoges a nagawaan yo, tan manggagawa kayoy karuksaan diad tapew na dalin.

Maung a Balita Biblia

² Andi! Nununoten yo labat so maoges a nagawaan yo, tan manggagawa kayoy karuksaan diad tapew na dalin.

Saray Salmo 58:2 Referans Kwoze

Saray Salmo 94:20

Ag mo pibabalian iray maoges a huis, ya ipapasen dan onung ed ganggan so bengatlan aliwan matonung,

Isaias 10:1

Pakaskasi kayo la! Manggagawa kayo na saray pikewet a ganggan a mamapairap ed saray totook.

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Isaias 26:7

Katawan, pararakepen moy dalan da ray totoon matonung; palanas so dadalanen da.

Ecclesiastes 3:16

Aliwan saya labat; naimanok met a diad sayan mundo naalmo so kaogsan, anta kaptekan tan katonungan komun so naalmo.

Saray Salmo 21:11

Mamplaplano ray maoges tan mankokomplut ira sumpad sikato, balet ag ira manalo.

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos: