Saray Salmo 58:11 - Maung A Balita Biblia

¹¹ Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Maung a Balita Biblia

¹¹ Ikuay katoowan, Tuan natutumangan iray matonung; tuan walay Dios a manisintinsiad sankamundoan.

Saray Salmo 58:11 Referans Kwoze

Saray Salmo 67:4

Manggayaga komun iray bansa tan mankanta ra lapud liket, ta matonung so panisintinsiam ed saray katoowan tan iwawanwan mo ray amin a bansa diad tapew na dalin.

Saray Salmo 64:9

Ontakot iran amin; dalepdepen da ray ginagawa na Dios, tan salitaen da ray gawgawa to.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Saray Salmo 33:18

Imanoen na Katawan iray mangigagalang ed sikato, saray manmamatalek ed ag mangoman a panangaro to.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Malakias 3:14

Inkuanyo, ‘Andi-kakanaan so manlingkur ed Dios. Antoy kana na panumpal na saray salita to odino say pangipanengneng tayod Katawan a Makapanyarin-amin a sikatayoy maermen lapud saray ginagawa tayo?

Malakias 2:17

Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Saray Salmo 94:2

Sika so huis na amin a katoowan; alagey ka pa tan iter mod saray mapaatagey so dusan kanepegan da!

Saray Salmo 92:15

Dia nanengneng a matonung so Katawan, anggapoy kaogsan ed sikato a manangyagel ko.

Saray Salmo 18:20

Tutumangan ak na Katawan lapud matonung ak; bibindisionan to ak lapud anggapoy kasalanan ko.

Saray Salmo 9:8

Matonung so panooley tod sankamundoan; maptek so panisintinsia tod saray katoowan.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Saray Salmo 52:8

Balet, siak, aliling koy kiew na oliban ombabaleg ed abung na Dios; manmamatalek ak ya anggad angga ed ag mangoman a panangaro na Dios.

Saray Salmo 68:24

O Dios, nanenengneng na amin a totoo so parada na impanalom, say libot na Dios ya arik a mamapaarap ed santuario to.

Saray Salmo 107:42

Saray matonung nanenengneng da ya et magayaga ra, balet ag makaskasel ya amin iray totoon maoges.