Saray Salmo 57:2 - Maung A Balita Biblia

² Ontatawag ak ed Dios a Sankatageyan, diad Dios a mangiiter na amin a nakakaukolan ko.

Maung a Balita Biblia

² Ontatawag ak ed Dios a Sankatageyan, diad Dios a mangiiter na amin a nakakaukolan ko.

Saray Salmo 57:2 Referans Kwoze

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 56:2

Sanagew a dodogpaan ak na saray onsusumpad siak. Agaylay karakel na onlalaban ed siak.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 41:5

Saray kalaban ko makapaingungot iray sasalitaen da nipaakar ed siak. Labay da ak lan ompatey tan nalingwanan.

Saray Salmo 143:9

Onaasinger ak a paiyagel ed sika, Katawan; iyagel mo ak pad saray kalaban ko.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.