Saray Salmo 57:1 - Maung A Balita Biblia

¹ Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Maung a Balita Biblia

¹ Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 57:1 Referans Kwoze

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

Saray Salmo 61:4

Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

Saray Salmo 63:7

ta sika lawas so ontutulong ed siak. Diad silong na saray payak mo mankanta ak lapud liket ko.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.”

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Saray Salmo 56:1

Kasian mo ak pa, O Dios, ta dodogpaan da ak; ag ak totondaan a papairapen na saray kalaban ko.

Saray Salmo 91:9

Lapud impasen mon manangyagel moy Katawan, tan manangilaban moy Sankatageyan,

Saray Salmo 13:5

Balet manmamatalek ak ed ag mangoman a panangarom; manliket ak, ta ilaban mo ak.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Saray Salmo 142:1

Ontatawag ak a patulongan ed Katawan; mikakasi ak ed sikato.

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

Saray Salmo 59:1

Iliktar mo ak pad saray kalaban ko, O Dios ko; iyagel mo ak pad saray ondodogpad siak!

Saray Salmo 58:1

Sikayon manoley matonung so panagsintinsia yo? Maptek so panagsintinsia yod amin a katoowan?

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

1 Samuel 24:3

Linmad sakey ya ongib a walad abay na pigaran koral na karniro diad gilig na dalan, tan sinmorub diman ta labay toy nainawaan. Nibana a diad daledalem to man ya ongib akaamut ira di David tan saray totoo to.

1 Samuel 22:1

Tinmaynan si David ed siudad na Gat tan linmad sakey ya ongib diad asingger ed baley na Adullam. Nen nadngelan na saray agagi to tan saray arum a kabyangay pamilya to a wadmay David, akikasakey irad sikato.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

1 Samuel 24:8

Pinmaway met ed ongib si David, tinombuk to, insan to tinawag, “Kagalgalang kon Ari!” Linmingaw si Saul et si David dinmakmomo ya anggad dalin a pamagalang to,

Deuteronomio 9:26

Et nampikasi ak, ‘Katawan a Dios, ag mo pa papateyen iray dilin totoom, saray totoon inyagel tan impaway mod Egipto diad panamegley na baleg a biskeg tan pakayarim.

1 Samuel 24:4

Inkuan ed sikato na saray totoo to, “Sikato la yay pankanawnawam! Imbagad sika na Katawan ya ipasilong tod pakayarim so kalaban mo tan nayarian mon gawaen ed sikato so antokaman a labay mo.” Nankalkalnan kinorung nen David si Saul tan angerger na saloy na kawes nen Saul ya ag to amta.

1 Samuel 26:9

Balet inkuanen David, “Ag mo didiwiten! Andi-saew a dusaen na Katawan so siopaman a maniwit ed pinili ton ari.

Saray Salmo 75:1

Misasalamat kamid sika, O Dios; misasalamat kamid sika! Ibabawag mi so ontan lan inkatalonggaring mo, tan sasalitaen mi ray makapakelaw a bengatlan ginagawam!