Saray Salmo 55:1 - Maung A Balita Biblia

¹ O Dios, dengel mo pay pikakasik; ag mo pa ipopolisay so kerew ko!

Maung a Balita Biblia

¹ O Dios, dengel mo pay pikakasik; ag mo pa ipopolisay so kerew ko!

Saray Salmo 55:1 Referans Kwoze

1 Pedro 3:12

Ta sankanengneng lawas na Katawan iray matonung, tan diad saray pikakasi ra sikato lawas so ontalineng; balet sumpa ed saray manggagaway kaogsan.”

Saray Salmo 86:6

Dengel mo pay pikakasik, Katawan; talineng mo pay ikekerew koy tulong.

Saray Salmo 61:1

Dengel mo pay ey-ey ko, O Dios; dengel mo pay pikakasik!

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Saray Salmo 64:1

Wala ak ed gunigon, O Dios—dengel mo pay pikakasik! Natatakot ak ed saray kalaban ko—ilaban mo pay bilay ko!

Saray Salmo 84:8

Dengel mo pay pikakasik, O Katawan a Dios a Makapanyarin-amin; talineng ka pa, O Dios nen Jacob!

Saray Salmo 80:4

Kapigan, O Katawan a Dios a Makapanyarin-amin, so pangangga na pasnuk mod pikakasi da ray totoom?

Saray Salmo 5:1

Dengel mo pa ray salitak, O Katawan, tan talineng mo ray pandadageyem ko.

Saray Tagleey 3:8

Kinmerew ak na tulong, balet ag ak dinengel na Dios;

Saray Salmo 143:7

Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 17:1

Katawan, dengel mo pay ikekerew koy katunongan; imanom pay ikekerew ko na tulong! Dengel mo pay pikakasik, ta ag ak mantitila.

Saray Salmo 6:1

Katawan, ag mo ak pa pamapasnukan lapud petang na olom! Ag mo ak pa dudusaen lapud pasnuk mo!

Saray Tagleey 3:56

Dinengel mo ak nen kinerew kod sikan talinengen moy kerew ko.