Saray Salmo 54:5 - Maung A Balita Biblia

⁵ Dusaey Dios komun iray kalaban ko diad panamegley na dilin kaogsan da! Deralen to ra, ta sikato et matoor.

Maung a Balita Biblia

⁵ Dusaey Dios komun iray kalaban ko diad panamegley na dilin kaogsan da! Deralen to ra, ta sikato et matoor.

Saray Salmo 54:5 Referans Kwoze

Saray Salmo 143:12

Lapud ag mangoman a panangarom ed siak, patey mo pa ray kalaban ko, tan deral mo ray amin a managpairap ed siak, ta aripen mo ak.

Saray Salmo 89:49

Katawan, kawalaan da ray pakapatnagay panangarom nen saman? Kawalaan da la ra may insipan mod kinen David, lapud inkatoor mo?

Saray Salmo 94:23

Lapud kaogsan da dusaen to ra, tan lapud saray kasalanan da deralen to ra; say Katawan a Dios tayo so manderal ed sikara.

Saray Salmo 31:23

Aro yoy Katawan, amin yon matoor a totoo to! Iyaagel na Katawan iray matoor, balet dudusaen to ray mapaatagey onung ed kanepegan da.

Saray Salmo 27:11

Katawan, ibangat mo ak pad labay mon gawaen ko, tan itonton mo ak ed dalan ya anggapoy kaatapan, ta amayamay iray kalaban ko.

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.

2 Timoteo 4:14

Agaylay kaogsan na ginawad siak nen Alejandro a panday na gansa. Akaoley lay Katawan a manusad sikato, onung na ginawa to.

Saray Salmo 137:8

Babilonia, naderal ka! Maliket so too ya ombawid sika lapud ginagawam ed sikami—

Saray Salmo 5:8

Katawan, dakerakel iray kalaban ko! Iwanwan mo ak pan mangonur ed linawam, tan ipalinew mo pay dalan mo a tombuken ko.

Saray Salmo 143:1

Dengel mo pay pikakasik, Katawan. Lapud matonung ka dengel mo pay pikekerew ko; lapud matoor ka ebatan mo ak pa!

Saray Salmo 86:14

O Dios, ondadagon onsumpad siak iray mapaatagey a totoo; labay ak a pateyen na sakey ya olup na totoon maruksa, totoon ag mangitaltalek ed sika.