Saray Salmo 54:4 - Maung A Balita Biblia

⁴ Balet say Dios so mananulong ko. Say Katawan so manangyagel ko.

Maung a Balita Biblia

⁴ Balet say Dios so mananulong ko. Say Katawan so manangyagel ko.

Saray Salmo 54:4 Referans Kwoze

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Salmo 118:13

Dinogpaan da ak, et ngalngali ak la atalo, balet tinulongan ak na Katawan.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

Saray Salmo 41:12

Tulongan mo ak, ta gagawaen koy kaptekan; panayamen mo ak ya ando lan ando ed kawalaan mo.

Saray Salmo 17:1

Katawan, dengel mo pay ikekerew koy katunongan; imanom pay ikekerew ko na tulong! Dengel mo pay pikakasik, ta ag ak mantitila.