Saray Salmo 50:22 - Maung A Balita Biblia

²² “Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Maung a Balita Biblia

²² Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 50:22 Referans Kwoze

Say Libro nen Job 8:13

Onyay kapara da ray totoon anggapoy Dios da; naandi so ilalo ra no Dios so nilingwanan da.

Saray Salmo 9:17

Patey so pansumpalan na amin da ray totoon maoges, amin da ray mangipopolisay ed Dios.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

Oseas 13:8

Dogpaan ta kayo a singa sakey ya uson imbatik da ray anak to, tan wabwaben ko ray pagew yo. Singa ak lion a buagen ta kayod kawalaan yo, tan singa ak ayep ed katakelan a mamingbingkas ed sikayo.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Deuteronomio 32:18

Alingwanan day Dios da, say makapanyarin manangilaban da, say angiter ed sikara na bilay.

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

2 Samuel 22:42

Onkekerew ira na tulong, balet anggapoy mangilaban ed sikara, mikakasi rad Katawan, balet ag to ra ebatan.

Lucas 15:17

Nen anunotan toy maung inkuantod sikaton dili, ‘Amin da ray katulong na amak dugay kakanen da. Masoluk ni ingen! Siak, balet, wadyan ompapatey lad eras.

Aggeo 1:5

Ag yo ta nanaimanoy nagagawad sikayo?

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Say Libro nen Job 10:7

Amtam ya anggapoy kasalanan ko, tan anggapoy makapangyagel ed siak ed sika.

Saray Salmo 9:18

Ag nalingwanan lawas iray mairap-bilay; ag naekal ed anggad angga so ilalo da ray walad kairapan.