Saray Salmo 50:21 - Maung A Balita Biblia

²¹ Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Maung a Balita Biblia

²¹ Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Salmo 50:21 Referans Kwoze

Isaias 57:11

Say Katawan kuanto, “Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Isaias 42:14

Say Dios kuanto, “Abayag a panaon ya ag ak inmeseesel; ag ko inebetan iray totook. Balet natan sinmabi lay oras na igalaw ko; oneeyag ak a singa biin mampapasakit.

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Saray Salmo 73:11

Kuanda, “Ag naamtaan na Dios, ag nakabatan na Sankatageyan.”

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Exodo 3:14

“Siak si siak,” inkuan na Dios. “Ibagam ed sikara, ‘Say natatawag a SIAK ET SIAK, imbaki to ak ed sikayo.’

Saray Salmo 50:8

Ag ta kayo pamapasnukan lapud saray bagat yo tan saray bagat a popoolan a lawas yon iyaakar ed siak.

Say Libro nen Job 34:33

Bangta ipopolisay moy gagawaen na Dios, naalagar mo ta a gawaen toy labay mon pagawa? Sika so mampili, aliwan siak; ibagam natan no antoy walad kanunotan mo.

Jeremias 2:23

Panoy pangibagam ya ag mo dinotakay sikan dili, ya ag mon balut inggalang si Baal? Nengneng mo no panoy impankasalanan mo nen wala kad patar; nengneng mo no antoy ginawam. Singa ka kamilyod katakelan a manmamaya, kanyan mambabatik-batik,