Saray Salmo 5:5 - Maung A Balita Biblia

⁵ Ag mo nitepel a nengnengen iray totoon mapaatagey; kabosul mo ray managgaway kaogsan.

Maung a Balita Biblia

⁵ Ag mo nitepel a nengnengen iray totoon mapaatagey; kabosul mo ray managgaway kaogsan.

Saray Salmo 5:5 Referans Kwoze

Saray Salmo 11:5

Say Katawan sasalaysayen to ray matonung tan saray maoges a totoo; kabkabosul to ray totoon maruksa.

Oseas 9:15

Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Saray Salmo 1:5

Say Dios sintinsiaan ton nadusa so toon maoges, tan nibiig ed olupan da ray totoon matonung.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Levitico 20:23

Ag yo aaligen iray kagagawa na saray totoon manaayam diman; pataynanen ko ra may paganon totoo pian makaloob kayo. Lapud saray maoges a gagawaen da, pinaingungot da ak.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Habacuc 1:13

Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Probirbio 8:5

Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Mateo 7:23

Balet ikuankod sikara, ‘Ag ta kayon balut kabat. Arawi kayod siak, sikayon managgaway kaosgan!’”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Saray Salmo 75:4

Ibabagak ed saray totoon maoges ya ag ira manlalastug;

Saray Salmo 130:3

No inlistam iray kasalanan mi, siopay makapaliis ed panusam?

Saray Salmo 94:8

Talusan yo, sikayo ran totook, agaylay inkakulang-kulang yo! Kapigay pakaaral yo?

Saray Salmo 92:6

Say makulang-kulang ag to natalusan tan say ambagel ag to natebek

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Saray Salmo 73:3

ta angimon ak ed saray mapaatagey, nen anengneng kon onaaligwas iray totoon maoges.

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Probirbio 15:9

Kabosul na Katawan so kagagawa da ray totoon maoges, balet inaro to ray manggagaway kaptekan.