Saray Salmo 5:2 - Maung A Balita Biblia

² Arik tan Dios ko, dengel mo ak pa no ontawag ak ya onkerew na tulong mo! Mikakasi ak ed sika, Katawan;

Maung a Balita Biblia

² Arik tan Dios ko, dengel mo ak pa no ontawag ak ya onkerew na tulong mo! Mikakasi ak ed sika, Katawan;

Saray Salmo 5:2 Referans Kwoze

Saray Salmo 65:2

ta eebatan mo ray pikakasi. Ondagod sikay amin a katoowan,

Saray Salmo 3:4

Ontatawag ak na maksil a patulongan ed Katawan, tan manlapud masanton palandey to, eebatan to ak.

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Saray Salmo 145:1

Ibawag koy inkatalonggaring mo, Dios ko tan arik; ando lan ando a misalamat ak ed sika.

Saray Salmo 84:3

Anggan saray manok ed tagey nanggagawa ray obung da, tan saray anuyaw walay panaayaman da; isisinup da ray sibong da ed abay na altar mo, O Katawan a Makapanyarin-amin, arik tan Dios ko.

Saray Salmo 74:12

Balet, O Dios, nanlapu lad gapo sikay ari mi; amimpiga-pigan inyagel mo kami.

Saray Salmo 44:4

Sikay arik tan Dios ko; panataloen mo ray totoom,

Saray Salmo 10:16

Anggad angga ya ari so Katawan, tan naandipat ed dalin to iray ag manisiad sikato.

1 Saray Arari 8:28

Katawan a Dios ko, dengel mo pay pikakasik tan saray kerew ko natad sayan agew, siak ya aripen mo.

Saray Tagleey 3:56

Dinengel mo ak nen kinerew kod sikan talinengen moy kerew ko.