Saray Salmo 49:4 - Maung A Balita Biblia

⁴ Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Maung a Balita Biblia

⁴ Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Saray Salmo 49:4 Referans Kwoze

Saray Salmo 78:2

Ikanak iray salitan manangiter na kakabatan, tan ipaliwawak iray mistirio nen saman,

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Probirbio 1:6

pian natalusan da ray niamut a kabaliksan da ray probirbio tan saray probliman itetepet da ray makabat a totoo.

Saray Bilang 23:7

Imbalikas nen Balaam so sayan propisiya: “Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, ‘Gala, ta isalitaan mo ak, Isamban iray Israelita.’

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

2 CORINTO 3:12

Lapud walay onyan ilalo tayo, mabiskeg so linawa tayo.

Lucas 12:3

Antokamay imbaga yod ambilonget, narengel ed maliwawa; tan antokamay inyesaes yod saray totoon walad akakaput a kuarto, nibando manlapud toktok na kaabungan.”

Daniel 8:23

“No magano lay pangangga na saraman a nanarian tan nagmaliw la ran maoges, kanyan kanepegan da lay dusaen, walay onletaw ya arin anawet so olo tan maoges, tan managpalikdo.

Ezekiel 20:49

Balet inkuanko, “Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.”