Saray Salmo 48:13 - Maung A Balita Biblia

¹³ imano yo ray padir to tan nengneng yo ray tirinsira to, pian nibaga yo ed ontombuk a kailalakan:

Maung a Balita Biblia

¹³ imano yo ray padir to tan nengneng yo ray tirinsira to, pian nibaga yo ed ontombuk a kailalakan:

Saray Salmo 48:13 Referans Kwoze

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Saray Salmo 122:7

Wala komuy kareenan ed loob da ray padir mo tan arawi komun ed kaatapan iray palasiom.”

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Joel 1:3

Ibaga yod saray anak yo so nipaakar ed sayan agawa; ibaga da met ed satan ed saray anak da, insan saratan ya anak da ibaga da met ed ontombuk a kailalakan.

Isaias 58:12

Pasimbaloen ya ipaalagey na saray totoo yo iray abayag lan aderal-deral ya ayaman yo, ipaalagey da ra lamet ed saray daan a pundasion. Natawag kayo a totoon angipaalagey lamet ed saray ageba tan saray aderal-deral ya abung.”

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.