Saray Salmo 47:5 - Maung A Balita Biblia

⁵ Onsesegep so Dios ed trono to. Wala ray maliket ya eyag tan tanul da ray trumpita leleg ya onsesegep so Katawan.

Maung a Balita Biblia

⁵ Onsesegep so Dios ed trono to. Wala ray maliket ya eyag tan tanul da ray trumpita leleg ya onsesegep so Katawan.

Saray Salmo 47:5 Referans Kwoze

Saray Salmo 68:33

say manloglogan ed tawen, say tawen ya abaybayag lan niwala! Dengel kayod eyag ton makapanyari.

1 TESALONICA 4:16

Diad satan ya agew, say dilin Katawan onakseb a manlapud tawen a kabansag toy sakey a nieyag a ganggan, bosis na arkanghil, tan say tanul na trumpitay Dios. Saray inaatey a mananisiad Cristo onona ran onolid bilay.

1 CORINTO 15:52

diad sakey a bekta, diad kakirem labat, no ontanul lay kaonuran a trumpita. Katanul na trumpita, saray inaatey paolien irad bilay tan ag la ra ompatey. Naoman itayon amin,

Saray Salmo 150:3

Idayew yo diad pamaknul yod saray trumpita. Idayew yo diad panogtog yod saray arpa tan lira.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

2 Samuel 6:15

Kanyan sikato tan amin da ray Israelita inyakar dad Jerusalem imay Kaban na Sipanan a kataruk day eyag na liket tan tanul na saray trumpita.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

Saray Salmo 98:6

Sibuk yo ray trumpita tan saray tamboyug, tan eyag kayod liket ed Katawan ya ari tayo.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

1 Saray Awaran 15:24

Saray paparin di Sebanias, Josafat, Natanael, Amasias, Zacarias, Benaya, tan Eliezer et apili ran mamaknul na trumpita ed arap na Kaban na Sipanan. Di Obed-edom tan Jehias et apili met iran guardia na Kaban na Sipanan.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.