Saray Salmo 47:1 - Maung A Balita Biblia

¹ Mantipak kayod liket, amin yon katoowan! Idayew yoy Dios diad panamegley na maksil iran kanta!

Maung a Balita Biblia

¹ Mantipak kayod liket, amin yon katoowan! Idayew yoy Dios diad panamegley na maksil iran kanta!

Saray Salmo 47:1 Referans Kwoze

Saray Salmo 106:47

Ilaban mo kami pa, O Katawan a Dios mi, tan tipon mo kami a manlapud saray arum a bansa, pian misalamat kami, tan idayew miy masanton ngaran mo.

Saray Salmo 98:4

Mankanta kayod liket ed Katawan, amin yon walad mundo; idayew yo diad panamegley na saray kanta tan saray maliket ya eyag!

Jeremias 31:7

Say Katawan kuanto, “Mankanta kayod liket para Israel, say sankatalonggaringan ed saray bansa. Kanta yoy imno na panangidayew, ‘Inyagel na Katawan iray totoo to, inliktar ton amin iray akeraan.’

Isaias 55:12

“Maliket kayon ontaynan ed Babilonia; mareen kayon nipaway ed siudad. Mankanta ray kapalandeyan tan saray kapokdulan, tan mantipak ed liket iray kakiewan.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 47:5

Onsesegep so Dios ed trono to. Wala ray maliket ya eyag tan tanul da ray trumpita leleg ya onsesegep so Katawan.

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

2 Samuel 6:15

Kanyan sikato tan amin da ray Israelita inyakar dad Jerusalem imay Kaban na Sipanan a kataruk day eyag na liket tan tanul na saray trumpita.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Zacarias 4:7

Naandipat ed arap mo iray bangen a singa ra palandey. Napasimbalom a nipaalagey so Timplo, tan diad pangiliram na sankasamputan a bato, saray totoo iyeyag da, ‘Marakep, marakep!’”

Saray Salmo 98:8

Mantipak kayo, sikayo ran ilog; mantetekep kayon mankanta a maliket diad arap na Katawan, sikayo ran kapokdulan,

2 Saray Awaran 13:15

Diad panangipangulo nen Abiam, inmeyaeyag iray taga Juda tan dinmogpa ra; tinalo na Dios si Jeroboam tan saray sondalon taga Israel.

1 Samuel 10:24

Inkuanen Samuel ed saray totoo, “Nia so toon pinili na Katawan! Anggapoy mipara ed sikato.” Inmeyag iray amin a totoo, “Andokey komuy bilay na ari!”

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Saray Salmo 42:1

No panoy pampipirawat na ulsa ed ambetel a danum na kolus, ontan met so pampipirawat kod sika, O Dios.