Saray Salmo 46:10 - Maung A Balita Biblia

¹⁰ Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Maung a Balita Biblia

¹⁰ Kuanko, Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.

Saray Salmo 46:10 Referans Kwoze

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Saray Salmo 57:5

O Dios, ipanengneng mo pad tawen so talonggaring mo tan diad intiron dalin, say kagalangan mo.

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

Saray Salmo 21:13

Idayew mi ka, Katawan, lapud ontan lan biskeg mo! Ikanta tan idayew miy pakayarim.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

Josue 11:6

Say Katawan kuantod kinen Josue, “Ag kayo natatakot ed sikara. Diad onyan oras nabwas apatey ko la ran amin para Israel. Lopuy yo ray kabayo ra tan poolan yo ray karwahi ra.”

Josue 11:9

Ginawa nen Josue ed sikara so onung na ingganggan na Katawan; nilolopuy to ray kabayo ra tan pinopoolan to ray karwahi ra.

1 Samuel 2:4

Napoter iray pana na saray mabiskeg a sondalo, balet ombiskeg iray makapoy.

2 Saray Arari 6:23

Kanyan imparaanan ira na ari ed Israel na baleg a ponsia; kayari ran angan tan inminom, imbaki to la rad ari na Siria. Nanlapu lad saman tinondaan la na saray Siriano so ondogpa ed dalin na Israel.

Saray Salmo 37:15

balet nadoyuk ira na saray dilin ispada ra, tan napoter-poter iray pana ra.

Isaias 2:4

Patondaen toy pankokolkol da ray matalonggaring a bansa. Gawaen dan lokuy iray ispada ra, tan palot iray pika ra. Ag la mambabakal iray bansa; ag la ran balut mamparaan a mibakal.

Jeremias 49:35

Inkuanto, “Pateyen kon amin iray pumapana a ginawa ran makapanyarin maung so Elam.

Ezekiel 30:8

No poolan koy Egipto tan napatey iray amin a manangyagel to, naamtaan da a siak so Katawan.

Ezekiel 39:3

Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.

Mikias 4:3

Patondaen to ray kolkolan da ray bansa, say kolkolan da ray matalong-garing a bansa arawi may asingger ira. Pitpiten dan pagmaliwen a lokuy iray ispada ra, pagmaliwen dan panagsigbat iray pika ra. Ag lan balut mambabakal iray bansa, ag la ra mamparaan a mibakal lamet.