Saray Salmo 45:8 - Maung A Balita Biblia

⁸ Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Maung a Balita Biblia

⁸ Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Saray Salmo 45:8 Referans Kwoze

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Juan 19:39

Akila met ed sikato si Nicodemo, samay linman aminsan ed kinen Jesus diad labi. Walay awit ton pabalingit ya impanlauk a mira tan aloe; sakey a limamplon kilo so belat to yan pabalingit.

Kanta nen Solomon 4:6

Manayam ak ed palandey na mira, diad pokdul na insinso, ya anggad onsiplug so palayupoy na dagem na kabwasan tan onandipat lay kabilongetan.

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Juan 14:2

Dakel so napanayaman ed abung nen Amak, et onla ak a mangiparaan na panayaman yo. No aliwa yan tua, ag ko ya komun imbagad sikayo.

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Kanta nen Solomon 5:13

Saray aping to et singa ra marakerakep a tanamanan, a napno na saray tanaman ya ambalbalingit. Singa saray lirio iray bibil to; ambasa-basa ra na mira.

Kanta nen Solomon 5:5

Akaparaan ak la a mamaloob ed sikato. Apoyukan la na mira so intiron limak, ambasa-basa na mira iray gamet ko, nen inegnaan ko may lokasay puirta.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 1:13

Ambalbalingit a singa mira so inarok legan ton akasaral ed pagew ko.

Saray Salmo 150:4

Idayew yo diad pamaknul yod saray tambul tan diad pansayaw yo. Idayew yo diad panogtog yod saray arpa tan plauta.

1 Saray Arari 22:39

Nisulat ed libron Say Awaran da ray Ararid Israel iray arum nin ginagawa nen Ari Acab, pati say nipaakar ed palasio ton garing tan saray siudad ya impapaalagey to.

Saray Salmo 45:15

Maliket tan magayaga ran onsasabi ya onloob ed palasioy ari.

Saray Salmo 11:7

Matonung so Katawan tan aaroen toy maung iran gawgawa; manayam irad kawalaan to iray totoon manggagawad saraya.