Saray Salmo 44:4 - Maung A Balita Biblia

⁴ Sikay arik tan Dios ko; panataloen mo ray totoom,

Maung a Balita Biblia

⁴ Sikay arik tan Dios ko; panataloen mo ray totoom,

Saray Salmo 44:4 Referans Kwoze

Saray Salmo 74:12

Balet, O Dios, nanlapu lad gapo sikay ari mi; amimpiga-pigan inyagel mo kami.

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Saray Salmo 89:18

Pinilim so manangyagel mi, O Katawan; sika a Masanton Dios na Israel initdan mo kamiy ari.

Marcos 1:41

Akasian nen Jesus kanyan inyonat toy lima to, diniwit to, tan inkuanto, “Labay ko. Abig ka la!”

Marcos 1:31

Dinago nen Jesus ed dinokulan to, binembenan tod lima, insan inibaan ton binmangon. Nakal so petang to, tan nansirbid sikara.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Isaias 33:22

Andi-kakanaan iray lobir na saratan a bapor, tan ag ombuskag iray layag da! Akokosen tayoy amin a kayamanan na saray sondalo na kalaban, tan walay daakan a nasamsam a napiapagan na anggan saray piley a totoo. Say Katawan a dili so magmaliw ya ari tayo; manoley ed sikatayo tan iyagel to itayo.

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.

Josue 24:12

Nen ondodogpa kayo ginewgew ko ra pian napabatik ko ray duaran arari na saray Amorreo. Anggapoy pibabalid saya na saray ispada tan saray pana yo.

Saray Salmo 111:6

Impapanengneng tod saray totoo to so pakayari to diad impangiter tod sikara na saray dalin na totood arum a bansa.