Saray Salmo 44:21 - Maung A Balita Biblia

²¹ naamtaan mo la komun, ta kabat mo ray maamut a nunot mi.

Maung a Balita Biblia

²¹ naamtaan mo la komun, ta kabat mo ray maamut a nunot mi.

Saray Salmo 44:21 Referans Kwoze

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Say Libro nen Job 31:4

Amta na Dios iray amin a gagawaen ko; sankanengneng toy balang kutdang ko.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Say Libro nen Job 31:14

No ag ko dinengel, panoy piarap kod Dios? Antoy nibagak no sinmabin manintinsiad siak?