Saray Salmo 44:19 - Maung A Balita Biblia

¹⁹ Anggaman ontan pinaolyan mo kamin pakaskasid pegley da ray ayayep ed katakelan; tan inkaindan mo kamid sankabilongetan a pasen.

Maung a Balita Biblia

¹⁹ Anggaman ontan pinaolyan mo kamin pakaskasid pegley da ray ayayep ed katakelan; tan inkaindan mo kamid sankabilongetan a pasen.

Saray Salmo 44:19 Referans Kwoze

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, “Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Saray Salmo 51:8

Parengel mo ak pa na saray tanul na liket tan gayaga; et anggan ontan lay impamairap tan impanusam ed siak, manliket ak ni lamet.

Puyan 16:10

Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.

Puyan 13:2

Singa liopardo man ya ayep ya anengneng ko. Singa sali na uso ray sali to, tan singa sangiy lion so sangi to. Inter na dragon ed samay ayep so dilin pakayari to, say trono to, tan say baleg a pakaoley to.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!”

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Say Libro nen Job 30:29

Say bosis ko et pangaskasi tan makapaermen, a singa pankiak na manok odino panngakngak na kilaw.

Say Libro nen Job 23:11

Matoor kon totombuken so pinili tod dalanen ko, tan ag ak balut onsuasuawi.