Saray Salmo 44:13 - Maung A Balita Biblia

¹³ Sankanengneng na saray kakaabay mi so ginawam ed sikami, kanyan eelek-elekan tan luludlureyen da kami.

Maung a Balita Biblia

¹³ Sankanengneng na saray kakaabay mi so ginawam ed sikami, kanyan eelek-elekan tan luludlureyen da kami.

Saray Salmo 44:13 Referans Kwoze

Saray Salmo 80:6

Inyabuloy mon panlalabanan na saray kakaabay min bansa so dalin mo; papabaingan kami na saray kalaban mi.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Saray Salmo 89:41

Amin da ray ondadalan tatakewan da; elek-elekan na saray kakaabay to.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.