Saray Salmo 43:2 - Maung A Balita Biblia

² Sikay manangyagel ko; akin et inkaindan mo ak? Akin et siansiay paniirap ko lapud inkaruksa da ray kalaban ko?

Maung a Balita Biblia

² Sikay manangyagel ko; akin et inkaindan mo ak? Akin et siansiay paniirap ko lapud inkaruksa da ray kalaban ko?

Saray Salmo 43:2 Referans Kwoze

Saray Salmo 42:9

Ibabagak ed Dios a manangyagel ko, “Akin et nilingwanan mo ak? Akin et siansiay paniirap ko lapud inkaruksa da ray kalaban ko?”

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Saray Salmo 94:14

Ag paolyan na Katawan iray totoo to; ag to ikaindan iray totoon kayaryan to.

Saray Salmo 44:9

Balet, natan, impolisay tan impatalo mo kami; ag mo la oolupen iray sondalo mi.

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Saray Salmo 140:7

Katawan a Dios ko, say mabiskeg a manangyagel ko, inyagel mo ak legay bakal.

Saray Salmo 77:7

“Say Katawan lawas to itayo la kasin ipolisay? Ag to itayo la kasi pakaliketan?

Saray Salmo 71:9

Ag mo ak pa ipopolisay, natan ta matakken ak la; ag mo ak ikakaindan, natan ta makapoy ak la.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Saray Salmo 31:4

Ipaliis mo ak pad patit a nitaryad siak; iyarawi mo ak pad kaatapan.

Saray Salmo 42:10

Makapkapoy ak lad panagpabaing da, ta tepet la ran tepet ed siak, “Iner so kawalaay Dios mo?”

Saray Salmo 88:15

Nanlapu lad impanogaw ko, maniirap ak tan ngalngali ak ompatey; makapkapoy ak la lapud belat na panagdusam ed siak.