Saray Salmo 43:1 - Maung A Balita Biblia

¹ O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Maung a Balita Biblia

¹ O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Saray Salmo 43:1 Referans Kwoze

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Saray Salmo 26:1

Katawan, ibawag mo pan anggapoy kasalanan ko, ta maung iray gagawaen ko tan sigput so panmamatalek kod sika.

Saray Salmo 7:8

Sikay huis na amin a katoowan. Sintinsiaan mo ak pa, O Katawan, onung ed inkatonung tan inkamaung kon too.

Saray Salmo 35:24

Katawan a Dios ko, matonung ka, kanyan ibawag mon anggapoy kasalanan ko; ag mo iyaabuloy pa ya elek-elekan ak na saray kalaban ko.

1 Samuel 24:15

Say Katawan so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.”

Saray Salmo 71:4

O Dios ko, iyagel mo ak pad saray totoon maoges, diad pakayari da ray maruksa tan totoon maoges.

Saray Salmo 5:6

Dederalen mo ray totoon matitila, tan babalawen mo ray totoon managpatey tan managpalikdo na kapara ran too.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

1 CORINTO 4:4

Malinis so konsinsiak, balet ag to labay ya ibaga ya anggapoy kasalanan ko. Say Katawan so manintinsiad siak.

Probirbio 23:11

Say Katawan so makapanyarin manangyagel da, tan iyalagey toy kanepegan da sumpad sika.

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Saray Salmo 75:7

say Dios so huis, wala ray sisintinsiaan ton nankasalanan tan wala ray ag nankasalanan.

2 Samuel 16:20

Insan inmarap ed kinen Ahitofel si Absalom tan kuanto, “Natan ta wadya itayo la, antoy isimbawam a gawaen tayo?”

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

2 Samuel 18:8

Kinmayat so bakal ed intiron kaalogan, et dakel niy inatey ed dalem na takel nen say inatey ed bakalan.

Saray Salmo 7:7

kanyan pantitipon mo pa ray katoowan ed kaliber-liber mo, tan manlapud tagey oleyan mo ra.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Salmo 54:3

Nitan la ray malastug a totoon ondogpad siak; labay ak a pateyen na saray maruksan totoo— totoon ag da ikabkabilangay Dios.

Saray Salmo 140:5

Pinatitan ak na saray mapaatagey a totoo; inlira da ray patit da, tan angyan ira na saray kalut ed dalan ta erelen da ak.