Saray Salmo 39:5 - Maung A Balita Biblia

⁵ Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Maung a Balita Biblia

⁵ Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Saray Salmo 39:5 Referans Kwoze

Saray Salmo 144:4

Say too et singa labat siplug na dagem; saray agew to et singa aninon ondadalan.

Saray Salmo 89:47

Nunot mo pa, Katawan, so katikey na bilay ko; nunot mo ya ompatey ya amiy katoowan a pinalsam.

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Santiago 4:14

Ag yo anggan amtay kipapasey bilay yo nabwas! Say bilay singa kelpa, a wala natan balet nanagonuyan naandipat la.

Saray Salmo 39:11

Dudusaen mo ray kasalanan na too diad panamegley na panagpasnuk mo, tan dederalen mon singa bigis iray bengatlan labalabay to. Tuan say too et singa labat siplug na dagem!

Say Libro nen Job 7:6

Onlalabas iray agew ko ya anggapoy ilalok, maples ya onlalabas nen say panaglaga na makinan gawaay abel.

Isaias 40:17

Diad sikato tuan anggapoy kakanaan da ray bansa.

Ecclesiastes 1:2

Tuan andi-kakanaan, andi-kakanaan, kuay Managpulong. Andi-kakanaan so bilay, andi-kakanaan ya amin.

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

2 Pedro 3:8

Balet ag yo ya lilingwanan, inararon agagi: diad Katawan say sanagew et singa sanlibon taon tan say sanlibon taon et singa labat sanagew.

2 Samuel 19:34

Balet inmebat si Barzillai, “Antikey lay pambilay ko; akin et nepeg ko niy milad Kagalang kon Ari diad iyakar tod Jerusalem?

Saray Salmo 90:12

Ibangat mo pad sikami no panoy katikey na bilay mi, et nayarin magmaliw kamin makabat.