Saray Salmo 38:20 - Maung A Balita Biblia

²⁰ Saray mangibabales na maoges ed maung et kalaban da ak lapud panggagawak na kamaungan.

Maung a Balita Biblia

²⁰ Saray mangibabales na maoges ed maung et kalaban da ak lapud panggagawak na kamaungan.

Saray Salmo 38:20 Referans Kwoze

Saray Salmo 35:12

Maoges so ibabales dad maung a ginawak, et ontan lay paneermen ko.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

1 Pedro 3:13

Siopay manggaway makapoy ed sikayo no say kaabigan so pilalek yon gawaen?

Juan 10:32

Inkuanen Jesus ed sikara, “Impapanengneng kod sikayo ray maung a gawan impagawa na Ama ed siak. Dinan ed saraya so makasengeg na panupakan yod siak?”

1 Samuel 25:21

Nunudnunoten nen David, “Akin et binabantayan kod kalawakan so kayaryan na saman a too? Anggapoy kayaryan ton abalang, et natan onyay ibales tod tulong kod sikato!

1 Samuel 25:16

Agew-labi da kamin inyagel nen inaasikaso mi ray karniro.

1 Samuel 23:12

“Siak kasi tan saray totook et ipalima na saray totood Keila ed kinen Saul?” tepet lamet nen David. “On, ipalima da kayo,” ebat na Katawan.

1 Samuel 23:5

Kanyan si David tan saray totoo to et linma rad Keila tan dinogpaan da ray Filisteo; dakerakel so pinapatey dad sikara tan inaala ray baka ra. Kanyan inyagel nen David iray totoo ed saman a baley.

Mateo 5:10

“Maliket iray napapairap lapud panusumpal day linawa na Dios, ta kayaryan day Panarian to!

Saray Salmo 25:19

Nengneng mo pay ontan lan karakel na saray kalaban ko; tan say ontan lan pamobosul dad siak!

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 142:7

Agwat mo ak pad segsegang ko; idayew ta kad satan diad tipon da ray totoom, lapud kaabigan mod siak.