Saray Salmo 37:39 - Maung A Balita Biblia

³⁹ Say Katawan ilalaban to ray totoon matonung tan iyaagel to ra no panaoy gunigon.

Maung a Balita Biblia

³⁹ Say Katawan ilalaban to ray totoon matonung tan iyaagel to ra no panaoy gunigon.

Saray Salmo 37:39 Referans Kwoze

Saray Salmo 9:9

Say Katawan so salimbeng da ray napapairap; sikatoy napiregan no panaoy segsegang.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

TAGA-EFESO 2:8

Ta lapud baleg a panangaroy Dios nilaban kayo la diad panamegley na pananisia. Impangaroy Dios yan kilalaban, ag nanlapud sikayon dili.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Awaran 32:22

Onya so impangyagel na Katawan ed kinen Ari Ezekias tan saray totood Jerusalem ed pakayari nen Senakerib ya impirador na Asiria, tan dia met ed pakayari na arum a kalaban da. Impanari na Katawan so kareenan ed amin a pasen.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 34:20

aasikasoen a maung na Katawan; anggapoy pokel ton napoter.

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Probirbio 11:8

Niaarawid gunigon iray totoon matonung; ingen saray totoon maoges lalaen to.

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.