Saray Salmo 37:25 - Maung A Balita Biblia

²⁵ Aliwa ak lan ogaw; masiken ak la, balet ag ko ni akanengneng na toon matonung ya inkainday Katawan, odino mipapayabol na nakan iray anak to.

Maung a Balita Biblia

²⁵ Aliwa ak lan ogaw; masiken ak la, balet ag ko ni akanengneng na toon matonung ya inkainday Katawan, odino mipapayabol na nakan iray anak to.

Saray Salmo 37:25 Referans Kwoze

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Saray Salmo 37:28

ta say Katawan inaro toy kaptekan, tan ag to ikakaindan iray matoor a totoo to. Iyaagel to ra lawas, balet saray kabyangay boleg na totoon maoges et napagit ira.

Saray Salmo 112:2

Magmaliw a makapanyari diad tapew na dalin iray anak na matonung a too; nabindisionan iray kabyangay boleg to.

Saray Salmo 25:13

Onaligwas ira lawas, tan nakayaryan na saray anak da so dalin.

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.

2 CORINTO 4:9

Dakel iray mamapasegsegang ed sikami, balet ag kami nanaandiay kaaro; tutumbaen da kami no maminsan, balet ag kami nalalausan.

Saray Salmo 94:14

Ag paolyan na Katawan iray totoo to; ag to ikaindan iray totoon kayaryan to.

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Probirbio 13:22

Say maung a too walay kayamanan ton ipatawir ed saray apo to, balet say kayamanan na saray makasalanan onlad saray matonung.

Saray Salmo 71:9

Ag mo ak pa ipopolisay, natan ta matakken ak la; ag mo ak ikakaindan, natan ta makapoy ak la.

Saray Gawgawa 21:16

Akilad sikami ray pigaran disipulo a taga Cesarea. Inyakar da kamid kinen Mnason a taga Chipre tan abayag lan mananisia; diad abung toy tinuloyan mi.

Say Libro nen Job 15:23

tan manaalagar iray buitrin mangan na bangkay to. Amta to ya ambilonget so arapen to;

Isaias 13:16

Legan ya ibabasig na saray kalaban da iray mansususon anak da, aakokosen da ray kayaryan dad abung da, tan papasooten da ray kaasawaan da, mamambantay ira labat ta anggapoy nagawaan dan mangyagel.”

Saray Salmo 59:15

singa ra ason liber-liber a manaanap na nabwag da, tan mantaglool ira no ag ira napesel.

Saray Salmo 109:10

Magmaliw komun ya anggapoy abung a mipapayabol iray anak to; napaekal ira komud aderal-deral a panaayaman da!

Say Libro nen Job 4:7

Nudnunot mo pa; wala tay amtam a toon matonung ya asabiay deral?