Saray Salmo 36:9 - Maung A Balita Biblia

⁹ Sikay panlalapwan na amin a bilay, tan lapud silew mo nanenengneng miy liwawa.

Maung a Balita Biblia

⁹ Sikay panlalapwan na amin a bilay, tan lapud silew mo nanenengneng miy liwawa.

Saray Salmo 36:9 Referans Kwoze

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Isaias 60:19

“Diad satan aliwa lan agew so manliwawad sika no agew Odino say bulan so silew mo no labi; Ta siak a Katawan so magmaliw ya andi-anggaan a silew mo; Onsinag ed sika so silew na kagalangan ko.

Say Libro nen Job 29:3

Say Dios wala lawas ed siak nen saman; nen manaakar ak ed bilonget inantabay to ak na liwawa.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Isaias 12:3

Onung a say ambetel a danum et mangiiter na liket ed saray totoon napgaan, ontan met a saray totoo na Dios et manliket ira no ilaban to ra.”

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Saray Salmo 65:5

Eebatan mo kami diad panamegley na pangiiter mod sikamiy pananalo, tan ilalaban mo kami diad panggagawam na saray pakelaw. Saray katoowan ed intiron mundo tan nibaliw na maawang iran dayat et manmamatalek irad sika.