Saray Salmo 36:8 - Maung A Balita Biblia

⁸ Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Maung a Balita Biblia

⁸ Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Saray Salmo 36:8 Referans Kwoze

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 65:4

Maliket iray pipilien mo, saray iyaakar mon manayam ed santuariom. Napenek kamid saray maung a bengatlan walad abung mo, saray bindisioy masanton Timplom.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Saray Salmo 46:4

Walay ilog a mangiiter na gayaga ed siudad na Dios, diad masanton ayaman na Sankatageyan.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Say Libro nen Job 20:17

Ompatey la kasakbayay pakanengneng tod saray ilog na larak na oliba, odino saray kolus a panagagosay gatas tan dilo.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 31:20

Lapud kiwawalam iyaagel mo ra ed saray komplut da ray totoo; diad anggapoy kaatapan a pasen, iyaamut mo ra ed saray panagpabaing na saray kalaban da.