Saray Salmo 36:11 - Maung A Balita Biblia

¹¹ Ag mo pa iyaabuloy a dogpaan ak na saray totoon mapasirayew, o pabatiken ak na saray totoon maoges.

Maung a Balita Biblia

¹¹ Ag mo pa iyaabuloy a dogpaan ak na saray totoon mapasirayew, o pabatiken ak na saray totoon maoges.

Saray Salmo 36:11 Referans Kwoze

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Saray Salmo 119:122

Isipan mo pan tulongan mo ak a managlingkur mo; ag mo iyaabuloy a pairapen ak na saray totoon mapaatagey!

Saray Salmo 119:85

Saray mapaatagey ya ag mangoonur na saray ganggan mo et angotkot ira na saray abut a pamatit dad siak.

Saray Salmo 119:69

Saray mapaatagey a totoo mantitila ra nipaakar ed siak, balet oonuren ko ed intiron pusok iray pananontonan mo.

Saray Salmo 119:51

Mapalaloy pambabalaw ed siak na saray mapaatagey a totoo, balet ag ak sinmian ed ganggan mo.

Saray Salmo 10:2

Mapaatagey iray totoon maoges tan papairapen da ray mairap-bilay; erel mo pa rad saray patit ya imparaan da.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Isaias 51:23

Iter ko lad saray nampapairap ed sikayo, saray amarokul ed sikayo ed saray dalan, insan da kayo ginagatinan a singa kayo dotak.”

Saray Salmo 62:6

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.