Saray Salmo 35:27 - Maung A Balita Biblia

²⁷ Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, “Matalonggaring so Katawan! Maliket ed inyaligwas na aripen to.”

Maung a Balita Biblia

²⁷ Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, Matalonggaring so Katawan! Maliket ed inyaligwas na aripen to.

Saray Salmo 35:27 Referans Kwoze

Saray Salmo 149:4

Naliliketay Katawan ed saray totoo to; papagalangan to ray mapaabeba diad pangiiter tod sikaray pananalo.

Saray Salmo 40:16

Manliket tan manggaya komun ya amin iray ondaragod sika. Amin a misasalamat lapud panangilaban mo et ikuan da komun lawas, “Agaylay talonggaring na Katawan!”

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Saray Salmo 70:4

Manggayaga tan manliket komun ya amin iray ondadagod sika! Amin a misasalamat lapud panangilaban mo et ikuan da komun, “Agaylay talonggaring na Dios!”

Probirbio 8:18

Wala ray kayamanan tan kagalangan ya iiter ko, aligwas tan say pampalabo.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

1 CORINTO 12:26

No apasakitay sakey a kabyangan, nalikna ran amin. No apagalangay sakey a kabyangan, naliketan iran amin.

Saray Salmo 142:7

Agwat mo ak pad segsegang ko; idayew ta kad satan diad tipon da ray totoom, lapud kaabigan mod siak.

Saray Taga Roma 12:15

Miliket kayod saray manliliket, tan minangis kid saray mannanangis.

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Sofonias 3:14

Mankanta tan eyag kayod liket, sikayon totood Israel! Manggaya kayod intiron puso yo, sikayon totood Jerusalem!

Saray Salmo 132:16

Bindisionan ko ray papari to diad amin a gawaen da, tan mankanta tan oneyag iray totoo to lapud liket da.

Saray Salmo 68:3

Balet magayaga tan maliket iray matonung ed arap to; maliket ira tan oneeyag irad liket.

Saray Salmo 32:11

Sikayo ran totoon matonung, manliket tan manggayaga kayo, lapud saray ginagaway Katawan! Amin yon matoluk ed sikato, iyeyag yoy liket yo!

Saray Salmo 9:4

Matonung tan maptek so panagsintinsiam; insintinsiam ya anggapoy kasalanan ko.

Saray Salmo 132:9

Gawaen lawas komun na saray paparim so inkatonung; oneyag komud liket iray totoom!

Saray Salmo 34:4

Nampikasi ak ed Katawan et inebatan to ak, inekal ton amin iray takot ko.

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!