Saray Salmo 35:26 - Maung A Balita Biblia

²⁶ Saray elek-elekan day paniirap ko et sigput ira komun a natalo tan nagewgew; saray mambalegbalegan nen say siak et napaabeba ra tan napelag ira komun ed kababaingan.

Maung a Balita Biblia

²⁶ Saray elek-elekan day paniirap ko et sigput ira komun a natalo tan nagewgew; saray mambalegbalegan nen say siak et napaabeba ra tan napelag ira komun ed kababaingan.

Saray Salmo 35:26 Referans Kwoze

Saray Salmo 38:16

Ag mo pa iyaabuloy ya elek-elekan na saray kalaban ko so paniirap ko; ag mo pa met iyaabuloy a manlastug ira lapud inkatalok.

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Say Libro nen Job 19:5

Abaloan yo a maung kayo nen say siak, tan ipapasen yo a say paniirap ko so paneknek a nankasalanan ak.

Say Libro nen Job 8:22

balet ipelag tod kababaingan iray mamobosul ed sika, tan saray maoges a totoo naandipat so kaabungan da.”

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Jeremias 48:26

Inkuan na Katawan, “Buek yo so Moab, ta linmaban ed siak. Pandokulan toy dilin ota to, tan elek-elekan na saray totoo.

Isaias 41:11

“Amin da ray ampetang so olo rad sikayo et nakabatan day kababaingan na inkatalo. Ompatey iray onlalaban ed sikayo

Saray Salmo 129:5

Natalo tan napapoliktar komun ya amin iray mamobosul ed Sion.

Saray Salmo 71:13

Saray ondodogpad siak et natalo tan naderal ira komun. Saray malabay a mamasakit ed siak et nalemlemew tan napelag ira komun ed kababaingan.

Saray Salmo 55:12

No sakey a kabosul komuy manmumurmurad siak, nitepel ko; no sakey a kalaban komuy manleleglemew ed siak, sarasarag kon iyamutan.

Saray Salmo 35:4

Natalo tan napelag komun ed kababaingan iray malabay a mamatey ed siak! Napapoliktar tan nagewgew komun iray mankokomplut sumpad siak!

Saray Salmo 109:19

Singa met komun kawes a manakbung na laman to iray samba to, tan singa ra balkes ya akasolung lawas ed sikato.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.