Saray Salmo 35:22 - Maung A Balita Biblia

²² Balet sika, Katawan, anengneng mo yan agawa. Kanyan ag ka komun marereen labat, O Katawan; ag mo ak pa aarawian!

Maung a Balita Biblia

²² Balet sika, Katawan anengneng mo yan agawa. Kanyan ag ka komun marereen labat, O Katawan; ag mo ak pa aarawian!

Saray Salmo 35:22 Referans Kwoze

Saray Salmo 10:1

Katawan, akin et arawdawi ka? Akin et onaamut ka no nagugunigon kami?

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 71:12

O Dios, ag mo ak pa aarawian; Dios ko, tulongan mo ak pa lan tampol!

Saray Salmo 38:21

Ag mo ak pa ikakaindan, Katawan; ag mo ak pa aarawian, O Dios ko!

Saray Salmo 22:11

Ag mo ak pa aarawian! Asingger lay gunigon, et anggapoy arum ya ontulong ed siak.

Isaias 65:6

“Asumpal ko lan ninunot so dusa ra tan nisulat la so sintinsia ra. Ag ko palabasen so ginawa ra, no ag ingen singilen ko ra

Saray Salmo 83:1

O Dios, ag ka labat pa mareereen; ag ka pa mareereen, o anggapoy eseesel!

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Salmo 39:12

Dengel mo pay pikakasik, Katawan, tan talineng moy tagleey ko; tulongan mo ak pa no mannangnangis ak. Magano labat a sangkailim ak a singa saray lalakik.

Saray Salmo 22:19

Ag mo ak pa aarawian, O Katawan! Ganatan mo pa so pangilaban ed siak.

Saray Gawgawa 7:34

Anengneng koy paniirap da ray totook ed Egipto. Nadngel koy pannangis da, kanyan linmeksab ak a mangilaban ed sikara. Gala, ta ibaki ta kad Egipto!’

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.