Saray Salmo 35:19 - Maung A Balita Biblia

¹⁹ Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Maung a Balita Biblia

¹⁹ Ag mo iyaabuloy a saray kalaban ko, saraman a matitila, et elek-elekan day inkatalok. Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 35:19 Referans Kwoze

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Probirbio 6:13

Mankindat tan mansinyas ira pian napalikdo da ka,

Saray Salmo 38:19

Saray kalaban ko et maabig so laman da tan mabiskeg ira; dakerakel iray mamobosul ed siak ya anggapoy makasengeg.

Saray Salmo 13:4

Ag nibagad satan na saray kalaban ko, “Tinalo mi!” Ag da met napanliketan ed satan so pakatumbak.

Probirbio 10:10

Mangiiter na golo so toon iyaamut toy katwaan, balet mankikimey para kareenan so toon mangibabagay kakulangan.

Saray Salmo 38:16

Ag mo pa iyaabuloy ya elek-elekan na saray kalaban ko so paniirap ko; ag mo pa met iyaabuloy a manlastug ira lapud inkatalok.

Saray Tagleey 3:52

“Singa ak manok ya apatitan na saray kalaban kon mamobosul ed siak anggaman ya anggapoy makasengeg.

Saray Salmo 119:161

Saray makapanyarin totoo papairapen da ak ya anggan anggapoy makasengeg, balet papagalangan koy ganggan mo.

Saray Salmo 109:3

tan maoges iray ibabaga ra nipaakar ed siak; dodogpaan da ak ya anggan anggapoy makasengeg.

Saray Salmo 35:15

Balet nen maniirap ak, makaliliket ira tan niliktub da ak a ludlureyen; kinabil ak na saray totoon ag ko kabat tan ag da ak tinondaan a pinairap.

Saray Salmo 25:2

manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Say Libro nen Job 15:12

Antoy mamapaawet na pusom? Akin et mandarlang iray matam ed pasnuk mod sikami?

Saray Salmo 38:17

Ngalngali ak la natumba, tan ag ontotonday panliliknak na sakit.

Saray Salmo 38:20

Saray mangibabales na maoges ed maung et kalaban da ak lapud panggagawak na kamaungan.

Saray Salmo 69:5

O Dios, ag niamut ed sika ray kasalanan ko; amtam so kalokowan ko.