Saray Salmo 35:15 - Maung A Balita Biblia

¹⁵ Balet nen maniirap ak, makaliliket ira tan niliktub da ak a ludlureyen; kinabil ak na saray totoon ag ko kabat tan ag da ak tinondaan a pinairap.

Maung a Balita Biblia

¹⁵ Balet nen maniirap ak, makaliliket ira tan niliktub da aka ludlureyen; kinabil ak na saray totoon ag ko kabat tan ag da ak tinondaan a pinairap.

Saray Salmo 35:15 Referans Kwoze

Marcos 14:65

Ginapoan na saray arum a nilulukdaan si Jesus tan pinerengan da. Kinakabil da tan kuanda, “Ibagam pa no siopay angabil ed sika?” Inala na saray guardia, insan da met tinatampal.

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

1 CORINTO 13:6

Say aro ag manliliket ed kaogsan, no ag ingen manliliket ed katwaan.

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Probirbio 17:5

No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Saray Salmo 69:12

Tongtongtongen da ak ed tindaan, tan saray buanges et manggagawa ra na saray kanta a nipaakar ed siak.

Saray Salmo 57:4

Aliktub ak na saray kalaban, a singa ra lion a mamangay too. Singa pana tan pika iray ngipen da; singa matdem ya ispada iray dila ra.

Saray Salmo 41:8

Kuanda, “Adapoay makapatey a sakit; ag to lan balut taynan so dokulan to.”

Saray Salmo 38:17

Ngalngali ak la natumba, tan ag ontotonday panliliknak na sakit.

Saray Salmo 35:8

Balet naderal iran ag da amta; naerel irad dilin patit da tan ompatey ira.

Saray Salmo 22:16

Aliktub ak na saray totoon maoges, singa ra olup na saray ason ondodoklus ed siak; bibingkasen da ray limak tan saray salik.

Say Libro nen Job 31:29

Nen naniirap iray kalaban ko ag ak balut nanliket, odino nanggayaga nen walay dinmalan a deral ed sikara.

Say Libro nen Job 16:9

Diad pasnuk na Dios, tinetegteg toy intiron laman ko, panngiletan to ak, tan mandarlang iray mata tod siak.