Saray Salmo 34:4 - Maung A Balita Biblia

⁴ Nampikasi ak ed Katawan et inebatan to ak, inekal ton amin iray takot ko.

Maung a Balita Biblia

⁴ Nampikasi ak ed Katawan et inebatan to ak, inekal ton amin iray takot ko.

Saray Salmo 34:4 Referans Kwoze

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Saray Salmo 56:3

No ontakot ak, O Katawan a Makapanyarin-amin, manmatalek ak ed sika.

2 Timoteo 1:7

Ta say Ispiritun inter na Dios ed sikatayo et ag to itayo pagmaliwen a matakot, no ag ta initdan to itayoy pakayari, panangaro, tan panagadya ed sikatayon dili.

Jonas 2:2

“Diad kaermenan ko, O Katawan, tinmawag ak ed sika, et inebatan mo ak. Manlapud dalem na pasen a panaayaman da ray inaatey tinmawag ak a kinmerew na tulong, et dinengel mo ak.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 31:22

Diad inkataktakot ko abaloan ko a pinaarawi to ak lad arap to. Balet dinengel to ak, nen kinmerew ak ed sikato na tulong.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Lucas 11:9

Kanyan kuankod sikayo: Kerew kayo, et naitdan kayo. Mananap kayo, et makalmo kayo. Toktok kayo, et nalokasan para sikayo so puirta.

Saray Salmo 22:24

Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.”

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”

Saray Salmo 35:27

Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, “Matalonggaring so Katawan! Maliket ed inyaligwas na aripen to.”

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!