Saray Salmo 34:12 - Maung A Balita Biblia

¹² Labay yon maliket so pambilay yo? Labay yon andokey tan maaligwas so pambilay yo?

Maung a Balita Biblia

¹² Labay yon maliket so pambilay yo? Labay yon andokey tan maaligwas so pambilay yo?

Saray Salmo 34:12 Referans Kwoze

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Ecclesiastes 3:13

Amin tayo nepeg ya oninom tan mangan tan panliketan so nansagputan tayo, ta rigalo ra na Dios.

Saray Salmo 91:16

Tumangan ko ra na andokey a bilay, tan ilaban ko ra.”

Saray Salmo 4:6

Dakel iray mampikasi: “Itdan mo kami pay lalon dakel a bindision! Mapangasin osdungan mo kami pa, O Katawan!”

Say Libro nen Job 7:7

Nudnunot mo, O Dios, a singa labat ingas so bilay ko; nansamput lay liket ko.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 2:3

Lapud pilalek kon nagamuray kakabatan, ginetmak a paliketen koy laman kon dili diad paninom koy alak. Ninunot ko, a sikato ya angangkoy sankaabigan a gawaen na saray totoo legan na antikey a pambilay da diad tapew na dalin.

Saray Salmo 21:4

Kinmerew na bilay et initdan mo, andokey tan andi-anggaan a bilay.

Genesis 49:2

“Mantitipon tan dengel kayo, lalakin anak nen Jacob, Dengel kayod ama yon Israel.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

Say Libro nen Job 33:33

Balet no anggapoy nibagam, dengel kad siak; mandeen ka, ta ibangat ta ka no panoy pagmaliw mon makabat.

Probirbio 4:20

Anak ko, dengel moy ibabagak. Talineng mo ray salitak.

Probirbio 7:24

Natan, sikayo ran anak, dengel yo ak. Imano yoy ibagak.

Probirbio 9:10

Pian nawalaan kay kakabatan nepeg mon pagalangan ya onona so Katawan. No kabat mo may Masanto, walay pakatalus mo.