Saray Salmo 33:6 - Maung A Balita Biblia

⁶ Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Maung a Balita Biblia

⁶ Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Saray Salmo 33:6 Referans Kwoze

Saray Hebreo 11:3

Lapud pananisia, natalusan tayon pinalsa na Dios so sankamundoan diad panamegley na salita to; kanyan saray nanengneng nanlapu rad ag nanengneng.

2 Pedro 3:5

Gagagalaen da ingen ya ipolisay so katwaan a diad panamegley na salitay Dios, apalsay tawen tan dalin. Apalsay dalin nanlapud danum tan diad pegley na danum.

Say Libro nen Job 33:4

Say ispiritu na Dios so amalsa tan angiter ed siak na bilay.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Genesis 2:1

Asumpal sirin ya apalsa so tawen tan dalin tan amin a logan da.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Juan 20:22

Kapangibaga tod saya, iningasan to ra tan kuanto, “Awat yoy Ispiritu Santo.

Genesis 1:6

Insan inkuan na Dios, “Onlesay liwang a mamalduay danum tan pambiigan tod duaran pasen”—et agawa. Onya so impamalsa na Dios ed liwang a linmeet ed danum, kanyan walay danum ed tagey to tan diad leksab to.

Say Libro nen Job 26:13

Lapud ingas to pinaliwawa toy tawen, tan diad lima to pinatey toy ombabatik a dragon.

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

Saray Taga Roma 1:25

Ibebeneg day katwaan a nipaakar ed Dios tan sasalatan da na tila. Igagalang tan panlilingkuran day pinalsa, aliwan say Manamalsa a nepeg a galangen ed ando lan ando! Amen.

Saray Salmo 104:30

Balet no itdan mo ra na ingas mo, napalsa ra; papasimbaloen moy bilay na dalin.

Genesis 1:1

Diad gapoy gapo nen pinalsa na Dios iray katawenan tan say dalin,

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.