Saray Salmo 33:19 - Maung A Balita Biblia

¹⁹ Ilalaban to rad patey, pambibilayen to ra no panaoy eras.

Maung a Balita Biblia

¹⁹ Ilalaban to rad patey, pambibilayen to ra no panaoy eras.

Saray Salmo 33:19 Referans Kwoze

Saray Salmo 37:19

Ag ira manirap no makapoy so panaon; ag ira naandiay nakan no panaoy eras.

Probirbio 10:3

Ag iyabuloy na Katawan a naerasan iray totoon matonung, balet ag to iyabuloy a saray totoon maoges et naala ra so labay da.

Juan 10:28

Iitdan ko ray bilay ya andi-anggaan. Ag iran balut nabalang tan ag iran balut nasamsam ed siak na anggan siopa.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Saray Salmo 91:10

anggapoy maoges a nagawad sika, tan anggapoy inkaruksan nagawad abay na abung mo.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Juan 10:30

Siak tan say Ama, saksakey kami.”

Saray Gawgawa 12:11

Atalusan nen Pedro so agawad sikato tan inkuanto, “Amtak la natan a tua manayan angibakiy Katawan na anghil to, tan inyagel to ak ed lima nen Herodes tan diad saray iilaloan da ray Judio a gawaen ed siak.”

Saray Salmo 34:10

Anggan saray lion nanaandian iray nakan tan nanaerasan ira, balet ag onkukulang ed antokaman a maabig iray mangoonur ed Katawan.

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.