Saray Salmo 33:10 - Maung A Balita Biblia

¹⁰ Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

Maung a Balita Biblia

¹⁰ Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

Saray Salmo 33:10 Referans Kwoze

Saray Salmo 21:11

Mamplaplano ray maoges tan mankokomplut ira sumpad sikato, balet ag ira manalo.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

Saray Salmo 140:8

Katawan, ag mo pa iiter so labay da ray totoon maoges; ag mo pa aabuloyan a nasumpal day maoges a getma ra!

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

Isaias 19:3

Pagmaliwen kon andi-kakanaan iray plano na Egipsio tan deralen koy kalakal da. Kerewen dan tulongan ira na saray talintaoy diriyos da tan mangipanon irad saray midyum tan mikerew irad saray inaatey na simbawa.

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

2 Samuel 17:14

Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

2 Samuel 15:34

balet natulongan mo ak no ompawil kad siudad tan no ibagam ed kinen Absalom a matoor kan manlingkur ed sikato a singa impanlingkur mod kinen ama to. Gawam met so anggaay nayarian mon manumlang ed antokaman a simbawa nen Ahitofel.

Genesis 11:8

Inkayat ira sirin na Katawan diad intiron mundo, kanyan tinondaan da ya impaalagey imay siudad.

2 Saray Arari 6:9

Balet impaibaga nen Eliseo ed ari na Israel, “Ag ka ondadalan ed saman a pasen, ta tatambangan kad man na saray Siriano.”

Nehemias 4:9

Balet nampikasi kamid Dios mi tan labi agew a wala ray mambabantay a milaban ed sikara.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Ezekiel 20:32

Ginetma yo lan magmaliw kayon singa saray arum a bansa, singa saray totoon mambibilay ed arum a bansa tan mangigagalang irad saray kiew tan saray baton-dampay. Balet ag balut itan nasumpal a kanunotan yo.

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”