Saray Salmo 32:5 - Maung A Balita Biblia

⁵ Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Maung a Balita Biblia

⁵ Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Saray Salmo 32:5 Referans Kwoze

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

Saray Salmo 38:18

Ipapatwak iray kasalanan ko; paneermenan ko ra.

Isaias 65:24

Anggan ag ni ra asumpal a mampipikasi ed siak, ebatan ko la ray pikakasi ra.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

Saray Salmo 103:12

No panoy kaarawiy bokig ed abalaten, ontan met so kaarawiy impangekal tod sikatayo na saray kasalanan tayo.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.”

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Jeremias 2:23

Panoy pangibagam ya ag mo dinotakay sikan dili, ya ag mon balut inggalang si Baal? Nengneng mo no panoy impankasalanan mo nen wala kad patar; nengneng mo no antoy ginawam. Singa ka kamilyod katakelan a manmamaya, kanyan mambabatik-batik,

Probirbio 30:20

Onyay kagagawa na biin aliwan matoor ed asawa to; mikaloguran, manames, insan kuanto, “Anggapoy ginawak a maoges!”

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Say Libro nen Job 31:33

Iyaamut na arum a totoo iray kasalanan da, balet ag kon balut iyaamut iray kasalanan ko.

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Levitico 5:5

No say sakey a too et nankasalanan na anggan dinan ed saray abitla, nepeg ton ipatua so kasalanan to,

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

1 Saray Arari 8:50

Pirdonam pan amin iray kasalanan da tan say inkasumlang dad sika, tan iyabuloy mon kasian ira na saray kalaban da.

2 Saray Awaran 6:29

dengel mo pa ray pikakasi ra. No siopaman ed saray totoom ya Israelita odino amin da et iyonat day kalimaan da ed sayan Timplo diad pampikasi ra lapud impapuson ermen da,

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Saray Salmo 25:16

Lingaw mo ak pa, Katawan, tan kasian mo ak, ta maermen tan nanairapan ak.

Saray Salmo 25:18

Imanom pay segsegan tan kairapan ko, tan pirdonam pa ray amin a kasalanan ko.

Saray Salmo 38:19

Saray kalaban ko et maabig so laman da tan mabiskeg ira; dakerakel iray mamobosul ed siak ya anggapoy makasengeg.

Saray Salmo 51:6

Say matoor a puso so pampipilalekan mo; panom pa na kakabatan mo so kanunotan ko.