Saray Salmo 31:8 - Maung A Balita Biblia

⁸ Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Maung a Balita Biblia

⁸ Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Saray Salmo 31:8 Referans Kwoze

Say Libro nen Job 36:16

Nen saman say Dios inagwat to ka ed gunigon, tan pinaligen toy bilay mo; abunton na kakanen so lamisaan mo.

Saray Salmo 18:19

Inekal to ak ed kaatapan; inlaban to ak, ta makaliliket ed siak.

Saray Salmo 4:1

Ebatan mo ak pa, no ontawag ak ed sika, O Dios a manangyagel ko! Tinulongan mo ak nen nagugunigon ak. Kasian mo ak pa natan tan dengel moy pikakasik!

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Isaias 19:4

Ipalimak iray Egipsio ed pakayari na sakey a masebeg tan maruksan ari a manoley ed sikara. Siak, say Katawan a Makapanyarin-amin so nansalita.”

1 Samuel 24:18

Diad sayan agew impatnag mo so ontan lan kamaungan mod siak, ta ag mo ak pinatey, anggaman ya impasilong ak na Katawan ed pakayarim.

1 Samuel 17:46

Diad sayan agew say Katawan iyawat to kad limak; taloen ta ka tan potuten koy olom. Saray bangkay da ray sondalon Filisteo et ipakan kod saray manok tan saray ayayep. Naamtaan ed satan na intiron mundo a say Israel et walay Dios to,

Saray Salmo 88:8

Sikay sengegan na impangikaindan ed siak na saray kakaarok; impagmaliw mo ak a makarimdimla ed sikara. Nipokuk ak kanyan ag ak la makapaway;

Say Libro nen Job 16:11

Impalima ak na Dios ed saray totoon maoges.

1 Samuel 26:8

Inkuanen Abisai ed kinen David, “Natan ed sayan labi impasilong na Dios ed pakayarim so kalaban mo. Iyabuloy mon say pika ton dili so idoyuk kod sikato tan ipanek kod dalin diad maminsan labat a doyuk—ag la nakaukolay mamidwa!”

Exodo 2:25

Say Dios anengneng toy pakakaaripen da ray Israelita tan inabagey to ra.

Deuteronomio 26:7

Insan kinmerew kami na tulong ed Katawan a Dios na saray lalaki mi. Nadngel to kami tan anengneng toy irap mi, segsegang mi, tan say pangaskasiyan a kipapasen mi.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.