Saray Salmo 31:19 - Maung A Balita Biblia

¹⁹ Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Maung a Balita Biblia

¹⁹ Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Saray Salmo 31:19 Referans Kwoze

1 CORINTO 2:9

Balet onung na ibabagay Masanton Sulat, “Ag ni anengneng odino nadngel na too, ag met ni anggan sinmibang ed nunot to, so imparaan na Dios ed saray mangarod sikato.”

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 23:5

Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

2 CORINTO 5:5

Say Dios a dili so angiparaan ed sikatayo na sayan pakaoman, tan inter tod sikatayoy Ispiritu to a kaletan ed pangoman tod sikatayo.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Juan 3:21

Balet siopamay mambilay onung ed katwaan, onsingger ed silew tan diad ontan napatnagan a katotoluk ed Dios iray gagawaen to.

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Saray Salmo 68:28

Ipanengneng mo pay pakayarim, O Dios, say pakayarin inkanam a para sikami,

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.

Saray Gawgawa 15:12

Dinmeen iray amin a totood man. Insan da ra dinengel di Bernabe tan Pablo ya angisalaysay na saray milagro tan pakelaw a ginagaway Dios ed saray Hintil, diad panamegley da.

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”